Sözaltı Sözlük - Azərbaycandilli Fikir Ensiklopediyası

+3633

bəşəriyyətin ən şeytani icadı. deyir simyaçılar qiymətsiz metalları qızıla çevirməyə çalışarkən bir başqaları ondan çox daha yaxşı variant tapmışdı. bank işçiləri, sələmçilər adi kağız parçasını qızıla çevirməyi öyrənmişdilər. ilk vaxtlar qızıllarınızı müdafiə edəcəm adı ilə qurulurmuş. yəni sən bunlara 101 qızıl pul verirsən bunlar da sənə bir imzalı kağız verir ki, sənin məndə 100 qızıl pulun var. bir başqa yandan da faiz qarşılığında bunlardan pul da götürmək olurdu. borc vermək tərəfi daha gəlirli olduğundan getdikcə daha çox borc verməyə başladılar ta ki, bankda qızıl qalmayana qədər. və mükəmməl bir ideya formalaşdı. bu kağızları dəyərli eləmək. yəni insanlar bu kağızlarnan alış-veriş eləsinlər. hə indi ortalıqda heç bir qızıl olmamasına baxmayaraq bu insanlar daim gəlir əldə eliyirdi. adi kağız parçası qızıldan da dəyərli olmuşdu. insan oğlunun ən şeytani kəşfi artıq edilmişdi. sonra isə verdikləri bu kağızların dəyərini süni yolla aşağı salmağa başladılar. kağızlar daha az dəyərli olanda daha çox kağız almaq lazım olurdu. kağızların dəyərinin azalması ilə ödənilən qızılın sayının artması sürətini düzgün idarə eləməklə daha çox qazanırdılar. biraz şişəndən sonra oyunu böyük oynuyurlar. dövlətlərə borc verməyə başlıyırlar. əvəzində isə sadəcə dövlətlərin bank sisteminə nəzarəti istiyirlər. ard-arda müharibələr eliyən böyük dövlətlərin pula olan ehtiyacı onları bu insanların quluna çevirdi. ona görə də bu insanlara müharibələr çox sərf eliyirdi. hitlerin yəhudi sponsorları olması məsəlçün. amerikadakı adları kifayət qədər məşhur olan yəhudi ailələri hitlerə sponsorluq eliyirdi. yahudi derken milliyətcə yəhudi. hədəfləri nədi bilmirəm. bu qədər güc, pul nəyə lazımdı bilmirəm. amma bircə onu bilirəm ki, bizi istehlak canavarına çevirməklə, "kağızların" tez-tez dəyərdən düşməsi ilə və bizi daha çox borclu, asılı vəziyyətə salmaqla yekun olaraq bizləri qula çevirəcəklər. sonra nə pox yeyəcəklər bilmirəm.
aşağıdakı videoya istinadən yazmışam bunları. sizə də baxmaq məsləhətdi.

(youtube:

)

wallet | iqtisadiyyat

+7289

Mənim kimi hər dəfə büdcəsində artıq və ya əskik gələn, pulun bəzən hardan gəlib hara getdiyini tuta bilməyən insanlar üçün həyat qurtarıcı, telefonumda olan ən faydalı, ən əjdəha aplikasiya.

Taa tələbə vaxtından uzun illərdir istifadə edirdim. Sonra hardasa 1 illik ara vermişdim. Bu ilin əvvəli bank hesabına baxanda "amk hesabla x qədər olmalı idi axı, hara getdi ala o qədər pul?!" deyəndə məcbur olub təzədən istifadə etməyə başladım. Mənim istifadə etməyimin ən əsas səbəbi bütün xərc və gəlirləri qəpiyinə kimi dəqiqliklə qeyd etməkdir. İndi düşünə bilərsiniz ki, "bank proqramında da görünür də", amma elə deyil. Bankın öz proqramında hardan aldığın görünür, amma pulu kim köçürüb, nə almısan, nəyə gedib, kimə vermisən - bax bunlar görünmür. Sadəcə məbləğlərdir. Halbuki bu proqramda çox detallı şəkildə kateqoriyalar var. Ümumiyyətlə, qısaca proqramı ekran şəkilləri ilə birgə izah edim, məsələ aydın olacaq.

Proqramın əsas qayəsi mühasibatlığa dayanır. Yəni bütün gəlir və xərcləri qeyd edirsən ki, özün üçün biləsən hər şeyi. Standart üzvlərə 3 dənə hesab açmaq pulsuzdur. Mən 2 bank kartı, bir "cash" hesabı olaraq işlədirəm, siz istədiyiniz cürə edə bilərsiniz. Məsələn, bir dostum kart/cash/metro kartı olaraq istifadə edir. Adlarını özünüz istədiyiniz kimi yaza, rənglərini istədiyiniz rəng qoya bilərsiniz. Həmçinin məbləğlərin üzərini blurlaya bilmək kimi də özəlliyi var proqramın.

Sağ aşağıdakı "+" işarəsindən də anlayacağınız kimi nə zaman nəyəsə pul xərcləsəniz və ya pul gəlsə, o dəqiqə girib proqramda bunu qeyd edirsiniz. İşarəyə basan kimi 3 şey çıxır. (mən proqramı ingilis dilində işlədirəm deyə ingiliscə yazacam, ancaq telefonunuz hansı dildədirsə, o dildə olur proqram)

1) tamplate. Mən izah edim deyə "internet" yazmışam, yeni istifadəçidə "create new template" yazılacaq orada. Adından da göründüyü kimi şablondur. Yəni mütəmadi nəyə pulunuz çıxırsa, onu qeyd edə bilərsiniz: kontur, gediş haqqı, kola və s ürəyiniz nə istəyirsə. İstəmirsinizsə, şablon yaratmayın.
2) transfer. Yəni kartlarınız arasında pul köçürməsi olanda, ya da kartdan pul çıxaranda, nağd pulu karta yükləyəndə, yəni ümumən transfer əməliyyatı olanda bunu basıb qeyd edirsiniz. hesabın adının üzərinə basanda haradan-haraya köçürmə olacağını dəyişmək olur.

3) new record. Adı üzərindədir. Ən çox istifadə edəcəyimiz bölüm də elə budur. Bütüün nə haqq-hesab olursa, buradan qeyd edəcəyik. Butona basan kimi əsas ekran çıxır. Məbləği qeyd və hansı hesabdan çıxacağını seçirik.

Və proqramın əən sevdiyim yanı da elə burada görünür. Ekran şəklində məndə "Groceries"(ən son onu qeyd etmişəm deyə o çıxır) yazılan hissə kateqoriyalar bölümüdür. Üzərinə basanda 11 kateqoriya və hər kateqoriyanın da içində ayrıca çoxlu-çoxlu subkateqoriyalar var.

Əslində mənim şablon yaratmamağımın əsas səbəbi də elə bu bölümdür, çünki bura girdikdə ən çox istifadə elədiyimiz 8 subkateqoriya ən üstdə qarşımıza çıxır, yəni mütəmadi istifadə elədiklərimizi hər dəfə axtarıb tapmağa ehtiyac yoxdur. Üstəlik, işin gözəl yanı da odur ki, proqram həm kateqoriyaları, həm subkateqoriyaları redaktə etməyə: adlarını, rənglərini, ikonalarını dəyişməyə icazə verir. Misalçün, mən tez-tez borc verirəm və belə bir subkateqoriya olmadığı üçün "financial expenses" kateqoriyasında özümçün bir subkateqoriya yaratmışam. Siz də ürəyiniz istədiyi kimi edə bilərsiniz. Eyni zamanda kateqoriya və subkateqoriyanı seçdikdən sonra rəy bölümü var, hansı ki konkret olaraq nə aldığınızı ora ad olaraq qeyd eləmək olur. Ən əsas üstünlüyü də elə budur ki, konkret qeyd edəndə bilirsən ki, filan pula filan şeyi almışam, day mal kimi üzünə baxıb "ala mən buna nə almışdım görəsən?" deyə düşünmürsən.

Proqramın bütün özəlliklərini qeyd etməyə dastan lazımdır. Əsas istifadə metodunu yazdım mən. Qısaca nə kimi digər işəyarayan funksiyalar olduğunu da qeyd edib bitirim.
- ana səhifəni sola doğru sürüşdürəndə "budget&goals" bölümü var. Burada almaq üçün pul yığdığınız hər-hansı bir şeyi qeyd edib, hər dəfə qırağa pul atdıqca bura qeyd edib baxa bilirik. Day hər dəfə gedib "görən pulun nə qədəri düzəlib?" deyib yastığın altına baxmağa ehtiyac yoxdu ajdhajahhs

- ana səhifədə sol üstdəki menyuya girəndə bizi bir sıra fərqli bölümlər qarşılayır. Mənim ən bəyəndiyim və ən çox istifadə etdiyim 3 bölüm var:

1) planned payments. Adı üzərindədir. Hər ay, hər həftə olan elədiyimiz ödənişləri burada konkret planlamaq olur. Yəni mütəmadi olaraq girib qeyd etməyə ehtiyac yoxdur. Məbləği, kateqoriyanı, tarixi və saatı seçirik və həmin vaxt gələndə proqram özü avtomatik bu tranzaksiyanı qeyd edir.

Üstəlik, təkcə xərclər yox, gəlirləri də qeyd etmək olur. Hamımız hər ayın neçəsi, nə qədər maaş(spendiya) aldığımızı bilirik də, onu da yuxarıda mavi rəngdə olan hissədə "expense" yox, "income" hissəyə çevirib qeyd etmək olur.

2) "debts". Mənimçün həyat qurtaran bölümdür* :d . Kimə nə vaxt nə qədər borc vermisən, kimə nə qədər borcun var, haçan alacaqsan, nə qədər alacaqsan - hamısını qeyd etmək olur. Hətta birbaşa telefondakı kontaktlarla da əlaqələndirmək olur.

3) üçüncü də şoppinq siyahısıdı. Bu bölümdə də alınacaq şeyləri qiymətlərimə qədər qeyd edib siyahı yaradırıq. Day sonra bir-bir hesablamağa ehtiyac yoxdur. Siyahıda hansıları almışıqsa, "quş qoyub" seçəndə "create record" butonu çıxır, onu basanda, ümumi məbləğ hesablanmış formada qarşımızda olur. Təsdiqləyib bitiririk.

Belə. Başda dediyim kimi, həyat qurtaran proqramdır həqiqətən. Bundan əvvəl çoxlarını işlətmişəm, amma rahatlıq və funksioyanallıq baxımından ən bəyəndiyimi bu proqramdır. Üstəlik, həftəlik, 15 günlük, aylıq, 6 aylıq, 1 illik bütün "record"lara həm ümumi hesabatlar(expense, cash flow), həm kateqoriya və subkateqoriya diaqramları, həm də tək-tək baxmaq olur. Hara nə qədər xərclədiyini, nə qədər verdiyini yaddan çıxaran və hər dəfə hesablarda artıq və ya əskiklik yaşayıb da axtarmaqdan bezənlər üçün əla aplikasiyadır. Ümumiyyətlə, məncə, bütün hamının telefonunda olmalı bir şeydir. Pulu idarə etməyi öyrədir adama və gözə soxur ki, filan şeyə filan qədər xərcləmisən. Bəzən çox bədxərclik edəndə adam özün yığıb-yığışdırır.

Paylaşdığım şəkillər proqramın android versiyasındandır. İos üçün də aşağı-yuxarı eynidir. Yükləmək istəyənlər üçün linki qoyuram, telefonunuz hansı əməliyyat sistemidirsə, saytdan ona uyğun olanın yükləyə bilərsiniz. Google, facebook və icloud ilə qeydiyyatdan keçmək olur, Həmçinin proqramın web versiyası da var.
https://web.budgetbakers.com/

reaction forming | fəlsəfə

+47970

(baxma: reaksiya formalaşdırma)
İnsanın hiss etdiyi emosiyanın əksini ifadə etməsi. Məs: qəzəbli ikən sakit görünməyə çalışmaq, qəmgin ikən şən davranmaq, qısqanarkən əslində dəstəkli görünmək və s. Yenə qeyri-olğun müdafiə mexanizmidir (yenə deyəndə nəyi nəzərdə tuturam acaba-*). Daxildə güclü dissonans/çaxnaşma hissi yarada bilir, çünki hiss etmədiyi kimu davranır insan, o hissi sağlam ifadə edə bilmir ki, məncə, bu əksər insanlar üçün çətin təcrübədir.

Tam olaraq bilmirəm bunu nə ilə əvəz etmək olar, o qədərini araşdırmadım. Yəqin ki, self-reflection və daxildəki əsl duyğunu şüurlu şəkildə yaşamaq və ifadə etmək kömək edə bilər. Məncə, reaction forming bilərəkdən qeyri-səmimi fikir ifadə etməkdən fərqlənir. Çünki reaction forming edən insan həqiqətən də özünü o duyğuya salmağa çalışır. İkincini edən isə yalandan etdiyini bilir zatən, ona görə də çaxnaşma duyğusu çox yaşamır filan.

dar alanda kısa paslaşmalar |

+50434

unudulmaz serdar akar filmlərindən. filmin baş qəhramanlarından olan erkan can ayrı bir drama, gözəllik qatmışdır sənət əsərinə. filmdəki hadisələrə futbolun yoldaşlıq etməsi çox xoşuma gəldi. mən də hər zaman bənzətmişəmdir. fikirləşəndə hansı idman növü ən çox həyata bənzəyir? (baxma: futbolun kədərlə yoğrulması)

--spoiler--

hayat futbola fena halde benzer. futbol şahsi beceri gerektirir, değişmez. O da ayrı konu… aynı zamanda topla oynanan yani insanların takım halinde oynadığı bir oyundur. hayat da böyle değil mi? İstediğin kadar yetenekli ol, iyi bir takım yoksa hava gazı…
film bu cümlələrlə başlayır və bu cümlələrlə də bitir. ümidin nəsildən nəsilə necə ötürülməsinin, ölümü bilərək yaşamağımızın nümunəsidir. filmin baş qəhramanı hacı abinin yolunu suat və dostları gedirlər. film həmin dövrdə futbola və bu kimi idman sahələrinə yönəlmiş insanlara qarşı qıərəzdən yaxşı söhbət açır. görünür suatın atası vəziyyətdən narazıdı və min əziyyətlə gəldiyi mövqedə öz oğlunu görmədiyi zaman əsəbləşir. hacı abinin dediyi kimi böyüklər hər zaman haqlı olduqlarını düşünərlər, amma, elə deyildir. sevginin vurduğu iki adam suat və hacı abi. suat nurtenin evlənmə xəbərin eşidəndən sonra gedir qapılarına daşı evlərinə atmaq istəyir, amma, çönür futbol qapısına atır. həyatta uğursuz olanlar, oynadıqları oyunlarda da uğursuz olmağa məhkumdurlar. bir qaqaş hacı abiyə qayıdıb deyir ki; "iyi bir santrafor gol demek, hani sen demiştin ya". hacı abi də baxıb başını bulayır, yanıldığını başa düşür.

kapalı dükkana kira ödedik işte… fikirləşəndə yaxşı ki, məktub nurtenə gedib çatmadı. suata abi çəkirdi onsuz. ortalıq qarışacaqdı. suatın məsələni sonradan öyrənməsi bir ümid yaradır. hacı abi nə yaşayıbsa, suat da eynisini yaşayacaq bəlkə də. qadınlar da şəhzadə olmağı sevirlər. yox deyə bilmədikləri yerdə də yox deyirlər.

hacı abi bir fikir olaraq hər zaman məhəllədəkilər tərəfindən xatırlanacaqdır. son danışığı da vurucudur. ən azından o fikrin davamçıları vardır. son nəfəsə qədər dinləyib, bir şey başa düşənlər. onlar da kimlər üçünsə var olacaqlar, günlərini digərinə belə satıb həyattan müəyyən nəticələr çıxaracaqlar və sonda hər zaman yanılıb kədərə məhkum vidalaşacaqlar.

--spoiler--

x-men '97 |

+49525

Marvelin bu il çıxan animasiyası. Disney plus'da yayımlanıb və əsasən müsbət rəylər alıb. 90 larda çıxan x-men: the animated series seriyasının ardı kimi çıxıb, adında olan 97 də elə burdan qalıb. İntrolar və s. eynidir, heç baxmayanlar üçün seriyalar sizi 90 larda oynadığınız sega və s. kimi oyunların ab havasına götürə bilər. Bundan əlavə animasiya keyfiyyəti normaldır, bir spiderverse deyil ancaq narahat da eləmir. Düşünürəm ki, animasiyanın çox qəliz keyfiyyətdə olmamağı növbəti sezonların tez gəlməyinə təkan verə bilər. Çox vaxt belə animasiyaları bir neçə il gözlüyürük bir sezona görə.
Hekayə isə charles xavierın şübhəli ölümündən sonrakı x-men lərin bir növ macəraları kimi davam edir. Arada çox yaxşı bölümlər var 1 bölüm baxıb "mənlik deyil" deməyin.
Bir də az çox köhnə x men animasiyasının bir növ davamı olduğuna görə insanlar ona baxmadan buna baxsam olar deyə fikirləşir. X men lər haqda az çox bilirsizsə məncə baxmasanız da olar. Yox x-men ə baxmamışam deyirsinizsə heç olmasa x-men: first class filmindən başlıyın, sonra həmin timeline ın ardı olan days of future past ə falan baxın. 2000 də başlıyan ilk filmlərinə də baxa bilərsiniz ancaq hekayənin xronolojik sırası first class filmi ilə başlıyır, magneto və charles necə tanış olur x men lər necə yaranır və s. Maraqlı blockbuster di məncə, dəyər. 90 lardakı seriyaya baxmağınız mütləq deyil qısaca, animasiyanın köhnə olmağı və s. Azca narahat edə bilər bəzi insanları.
Serialda da bir çox marvel xarakterini gördük(hamısı 90 lardakı animasiyada olan dizaynlarında idi,(baxma: iron man), (baxma: daradevil) gələn sezonlarda crossoverlar görsək super olar.

---spoiler--

Sonda magneto wolverine in bedeninden adamamtium adlı maddəni sökür, bu comiclərdə wolverini daha güclü edirdi ,çünki hökümət tərəfindən yerləşdirilən bu maddə logan ın healingini azaldırdı, və daimi olaraq loganın bədəni hər saniyə bununla məşgul idi. Bundan əlavə xususi dramatik olan gambit ölümü, nəsə fırladıla bilər, teoriyalar apocalypse gəlib onu dirildib nəsə edəcək onla. Axırda kı kart səhnəsi buna referans edir.
Bir dənə Jean in səhnələrin də başım biraz qarışdı, hansı ara götürüb klonladılar hansı klondu zad, azca detallı açıqlasa idilər onu əla olardı. Cyclops u da qınamıram, sevdiyin qadının klonu ilə üçlü etməz şansı cazibədar gəlir. Axırdakı xarakterlərin fərqli zamanlara uçmağı da gələn sezonda yeni maraqlı xarakterlər tanıda bilər.

--spoiler---

They are protecting the world which hates and fears from them
sifarişi verən: ares

pul | iqtisadiyyat